तनहुँको आँबुखैरहनीमा बस दुर्घटना भएको छ।
केहीबेरअघि मात्र ऐनापहराबाट मर्स्याङ्दी नदीमा बस खसेको नेपाल प्रहरीले जनाएको हो।
साढे ११ बजेतिर बस मर्स्याङ्दीमा खसेको सूचना प्राप्त भएको र घटनास्थलमा प्रहरी पुगिसकेको तनहुँका एसपी वीरेन्द्रबहादुर शाहीले जानकारी दिए।
अहिले इन्सपेक्टरको नेतृत्वमा नेपाल प्रहरीको टोली पुगिसकेको छ। अहिले सशस्त्र प्रहरीको विपदको टोली पनि घटनास्थलतर्फ गइसकेको छ।
‘उद्धारका लागि डोरीबाट तल झर्ने कार्य हुँदै छ। म र सीडीओ साब पनि घटनास्थलमा जाँदै छौँ’, शाहीले नेपालखबरसँग भने।
भारतीय नम्बरप्लेटको गाडी रहेको प्रारम्भिक सूचना आएको तर निश्चित हुन बाँकी रहेको पनि उनले बताए।
घटनाको विस्तृत विवरण आउन बाँकी रहेको प्रहरीले जनाएको छ।