21.1 C
Kathmandu
Tuesday, July 23, 2024

पाँचथरमा अज्ञात समूहको कुटपिटबाट एकजनाको मृत्यु, तीन घाइते

पाँचथरमा अज्ञात समूहको कुटपिटबाट एकजनाको मृत्यु भएको छ । तीनजना घाइते छन् । कुटपिटबाट फिदिम नगरपालिका–१४, आहालका ३७ वर्षीय दिनेशकुमार राईको मृत्यु भएको जिल्ला प्रहरी कार्यालयले जनाएको छ ।

गए राति गाउँकै धनकुमार राईको घरमा राखिएको चिन्ता (धामीझाँक्री) हेर्न गएका दिनेशसहित परशु राई, ध्रुव राई र पुस्कर विकमाथि १५–२० जनाको समूहमा आएका व्यक्तिले कुटपिट गरेका थिए । घाइते चारैजनालाई उपचारका निम्ति जिल्ला अस्पताल फिदिम ल्याइएको थियो ।

उपचारका क्रममा दिनेशको आज बिहान मृत्यु भएको जिल्ला प्रहरी कार्यालयका सूचना अधिकारी बिनालाल साह तेलीले जानकारी दिए ।

घाइतेमध्ये धुव्र र पुस्कर विक सामान्य उपचारपछि अस्पतालबाट ‘डिस्चार्ज’ भएका छन् । कुटपिटमा संलग्न व्यक्तिको पहिचान हुन बाँकी रहेको प्रहरीले जनाएको छ ।

घटनामा संलग्नको खोजीका निम्ति प्रहरी निरीक्षकको नेतृत्वमा प्रहरीचौकी रानीटार र पौवासारतापबाट टोली परिचालन गरिएको जनाइएको छ । रासस

LEAVE A REPLY

Please enter your comment!
Please enter your name here

सम्बन्धित समाचार

ताजा न्यूज