21.1 C
Kathmandu
Tuesday, July 23, 2024

खेलाडीको हितलाई भन्दा संघहरुबीचको राजनीति चाहिँ एकदमै डरलाग्दो हुँदो रैछ- खेलकुद मन्त्री श्रेष्ठ

काठमाडौं । युवा तथा खेलकुद मन्त्री विराजभक्त श्रेष्ठले राष्ट्रिय खेलकुद परिषदमा रहेका समस्या समाधानमा आफू केन्द्रित रहेको बताएका छन् । आइतबार प्रतिनिधि सभामा मन्त्रालयको बजेटमाथिको छलफलमा सांसदहरुले उठाएका प्रश्नहरुको जवाफ दिनेक्रममा मन्त्री श्रेष्ठले यस्तो बताएका हुन् ।

केही सांसदले खेलकुद परिषदमा पञ्चायती व्यवस्था जस्तो देखिएको भन्ने प्रश्न गरेको स्मरण गर्दै उनले भने, ‘‘हामीले पनि अहिले भोगिरहेका छौं ।’

मन्त्री भएपछि आफूले केही तीता अनुभव गरेको उनले सुनाए । ‘दुई तीन वटा मेरो अनुभवहरु अलि तितो पनि छ । खेलाडीको हकहितलाई भन्दा पनि त्यहाँ संघहरुबीचको राजनीति चाहिँ एकदमै डरलाग्दो पनि थियो । यो संसदमा भन्दा डरलाग्दो राजनीति त्यहाँ हुँदो रैछ’ उनले भने ।

पुराना विवादहरु समाधान गरेर बस्नुपरेको उनको दुःखेसो छ । अगाडि भन्छन्, ‘२०४७ साल देखिका विवादहरु समाधान गरेर बस्नु पर्‍या छ । तर, तपाईंहरुजस्तो विद्वान र अनुभव भएको माननीयज्यूहरुले सुझाव दिनुभयो भने आशा गरौं अरु हामीले यसलाई छिट्टै नै समाधान गर्न सक्छौं ।’

LEAVE A REPLY

Please enter your comment!
Please enter your name here

सम्बन्धित समाचार

ताजा न्यूज