24.1 C
Kathmandu
Friday, July 26, 2024

देशभरका सम्पूर्ण जमिन राष्ट्रियकरण नभएसम्म देश विकास हुँदैन- वामदेव गौतम

काठमाडौं । राष्ट्रियसभा सदस्य वामदेव गौतमले देशभरका सम्पूर्ण जमिन राष्ट्रियकरण गर्नुपर्ने बताएका छन् ।

आइतवारको राष्ट्रिय सभा बैठकमा बोल्दै नेपालको सम्पूर्ण भूमि राष्ट्रियकरण नभएसम्म नेपालले विकास गर्न नसक्ने बताएका हुन् ।

उनले भने “सम्पूर्ण जमिन राष्ट्रियकरण गरौँ । मैले आज धेरै पहिलादेखि भन्दै आएको कुरा गरेँ । जबसम्म नेपालको कृषि भूमिमात्रै होइन, सम्पूर्ण भूमि राष्ट्रियकरण गरिँदैन, नेपालले विकास गर्दैन,” ।

उनले अमेरिका, चीन, रुसलगायत देशमा सम्पूर्ण भूमि राष्ट्रियकरण भएकाले विकास सम्भव भएको बताए । “अमेरिकालगायत देशमा सम्पूर्ण भूमि राष्ट्रियकरण भएको छ । त्यहाँ व्यक्तिगत छैन । अमेरिकामा मात्रै होइन, सिंगो युरोपभर भूमि राष्ट्रियकरण गरिएको छ । रुसमा पनि त्यो लागु भएको छ । चीनमा १९५३ मा राष्ट्रियकरण भयो, सबै जमिन । भूमि नै मानिसलाई आवश्यकता पर्ने वस्तु उत्पादन गर्ने आधार हो । मुख्य उत्पादनको साधन हो । त्यसलाई टुक्रा–टुक्रा काटेर बाँड्छौँ, देश समृद्ध हुन सक्दैन,” सांसद गौतमले भने ।

उनले भूमि नै मानिसलाई आवश्यकता पर्ने वस्तु उत्पादन गर्ने आधार भएकाले उत्पादनका लागि लिजमा दिने र सबै भूमि राष्ट्रियकरण गरेर अघि बढ्नुपर्ने आवश्यकता रहेको बताए ।

LEAVE A REPLY

Please enter your comment!
Please enter your name here

सम्बन्धित समाचार

ताजा न्यूज